Gilles Floro - Absans
P/M : Gilles Floro

Kon [an] manto nwè ki ka désann asou lavi
On gran doulè ki ka pénétré kè an nou
On branch an syèl, zéklè ki ka méné lapli
An gran moman détrès ki ka pran tèt an nou
Sé lè an moun ou té enmé
Ki pati san mandé
Sa ki silans mennen alé
San lèspwa di viré

Kon on ti flè ki ka fanné piti a piti
On gran vid ki ka pran plas an jaden lanmou
Kon van siklonn ki ka chayé an fey san vi
Kon gran absans ki'w ka rousanti touléjou
Sé lè an ti nanm sòti né
Ki lanmò pran san mandé
[An] té vlé viv pou enmé 
Ki pati san pléré
Oh no

Solo saksofòn

Oh no

(Kè) .................................... (2 fwa)
Sa ki pati yo menm, pa jigé yo, sonjé yo
Sa ki anki alé, san viré, pa oubliyé yo

Kon an ti flè ki ka fanné piti a piti
On gran vid ki ka pran plas an jaden lanmou
Kon van siklòn ki ka chayé an fey san vi
On gran absans ki'w ka rousanti touléjou

Oh no 
Oh no

(Kè) .................................... (2 fwa)
Sa ki pati yo menm, pa jigé yo, sonjé yo (sonjé yo)
Sa ki anki alé, san viré, pa oubliyé yo

Solo gita

Love

(...) = chantè
http:www.apapawolanle.com